مش لوحدى

أنا متأكده أنى مش لوحدى ..
أحساس بيجيلى كده أقول أكيد جوزى المستقبلى اللى مش عارف عنوانى ومتأخر بسلامته
ولاطعنى كدهووووو
أكيد أكيد بيراقبنى وحاسس بيا
وعارف أنا بفكر إزاى
وبحب ايه وبكره إيه



ويمكن يكون عارف مقاس صندلى الـpink كمان .. وحافظ ملامحى
وعارف ضحكتى وبيعشق هزارى
مع أن صعب شويه عشق هزارى دى .. احم احم
بس ماحدش له دعوه بقى
هو هيحبنى كلى
على بعضى كــده

....
مش لوحدى لما بحس أنى متضايقه أووووى
وأهرى نفسى مالعياط
وأتخيل ان خلاص كمان كام دقيقه هلاقى ايد بتطبط عليّا
وتقولى : كفاااااايه
غرقتى تيشرتك وعينك هتحول من كتر العياط

وبحس أنى متغاظه أووووى من اصحابى البنات لما يضحكوا عليّا بسبب عريس الهنا
لما أقولهم هيوافق على كل أحلامى
وهتكون دماغه لاسعــه زيي وأكتر كمان
....
وبحس أنى عامله زى البطه السوده وسطهم كده وهما عمالين يضحكوا ويتغامزوا
تهئ تهئ تهئ
بس بقول لنفسى
"فكك منهم بكره ييجى ومعاه كل أحلامك وأكتر .. وهغيظهم كلهم"
(ايموشن مطلع لسانه)

ونفسى بقى أطلعلهم لســانى
وأقولهم : اللى حلمت بيه كله اتحقق الحمد لله
واجــــــــــرى بسرعه
على سجادتى أصلى ركعتين شكر
وأشكر ربنا كتير أوى
أنه خلانى ألاقى فى زوجى كل اللى حلمت بيـــه
وأحس أخيراً أن مش لوحدى اللى دماغى بايظه ولاسعه فـ البلد دى


وأخيرا هلاقى فيك صاحبى
صاحبى دى مش حاجه عيب
بس هتكون الحد اللى أروح اشتكيله منك لما أزعل
وأقوله جوزى مزعلنى أوى ومقموصه منه جداً جداً
يقولى:
طب لو عرفتى أنه بيحبك وآسف وهيجيبلك شكاليـــطه

وقتها طبعاً أنا اللى هقوم أصالحــه
عشان عارفه أنه عارف غلطه ومش هيكرره تانى

وأحس أنه بجد مقدر كل كلمه وكل حاجه بقولها وبعملهاله
وعارف أنها مش ضعف
بالعكس أنا ممكن اكون شريره
واحطله شطه فى عثــير الفراوله أو الليمون
أو أحطله صرصار بلاستيك فى شرابه

بس مش هعمل أى حاجه تضايقه ولا تزعله
عشان بحبه بـــس
ونفسى كل اللى بينا يكون احلى من قصص الحب
والأفلام والكرتون اللى بتفرج عليه

وألاقيك أنت كمان بتحبها
وما تسيبنيش أتفرج عليها لوحدى
وأقعد فـ البيت زى قرد قطع

.....
عارف كمان
أنا طماعه ونفسى تحب كل أهتمامتى
ومهما كانت تافهه او عبيطه تشجعنى
وأحس أن أخيراً بقى عندى جمهور وبيحب كل حاجه بعملها
وبيقلدنى فى كل حاجه بحبها

..
وكمان نفسى ألاقيك نسخه منى
تنام زيي وتصحى تضحك زيي
ولما تيجى تآكل
توقع فرافيت على هدومك زيي برده
وتلمهم قبل ما تقوم ،، عشان ما أعلقكش ولا أجرى وراك ))

وساعات بيتهيألى أنك جاى حالا دلوقت
وهتقولى أنا كنت بفكر فيك إزاى
وكلامى عليك كله
وصفاتك اللى كنت بحلم بيها
وكل حاجه كل حاجه
...
وتحب فيا الطفوله اللى بحسها بس لمــا آجى أتكلم عنك
وإزاى بحبك من دلوقت ومتأكده أنك موجود وعارف طريقى فين بالظبط
وجاى ومش هتتأخر
^_^


وبرده بحس أنك لوحدك مع أصحابك كده
وحاسس انك أبن البط الأسود
^^ وضايع واصحابك بيضحكوا عليـــك
وبتقولهم بكره اطلعلكوا لسانى زيي تمام

بس ما تقلقش أكيد هنرسم صوره أيموشنين مطلعين لسانهم ونعملهم دعوة الفرح
ونبعتهم لكل أصحابنــا
..
بحس أنى مش لوحدى لما أسافر طريق طويل لوحدى
وأفضل أبص عالطريق أو أقرأ قرآن أو كتاب معايا
وأقول أمتى بقى أسافر معاك أنت

وأرخم عليك طول الطريق
لحد ما تكون عايز ترمينى الشباك
^^
بس أكيد مش ههون عليك
يعنى إزاى هترمى نصك التانى
ومين يستحمل يعيش من غير نصه ،، أو ما يلاقيش حد يرخم عليه كل يوم الصبح

وأهو عشان كده مش بحس أنى لوحدى
وأنك معايا وعايش تفاصيل حياتــى

وأنــا معاك من دلوقت ومش لــوحدى

تسلم لمرورك
منور التوبيك