نكت فرفشة انيمي صور منتديات جنة الدنيا اسلامي شرح اناشيد فوتوشوب
بسم الله الرحمن الرحيم
السلام عليكم ورحمة الله وبركاته
تعرفوا اصعب شيء في هالمواضيع ؟
المقدمات ..... اوقف ساعه كامله افكر شو اكتب بالمقدمه !!!! ... يعني لازم
اتفلسف واستخدم العربيه الفصحاء واستعرض المفردات الي اعرفها ..(ومرات
اخترع كلمات - المشكله صارلي سنتين ما درست عربي يعني لا تستغربوا اذا
شفتوني قلبت هندي).... عشان حضرتك تكونوا مهتمين بـ الموضوع (Interesting
على قولة اخوانا العنجريز) فـ فكرة وفكرة وفكرة .... وقررت في النهايه....
وش يا ترى قررت ؟
اما انه من جد يبيلكم تكفيخ عشان تصحوا.... يعني وش بكون قررت ؟ قررت اني اكتب مشكلتي مع المقدمات كـ مقدمه !!!
هععع المهم المهم نرجع لـ محور حديثنا ..... اقفلوا اي ماده صوتيه ...
واقفلوا التلفون ... وعدلوا الكرسي ... وشغلوا الليت حق الغرفه كان جالس في
الظلام.... و ركزوا معانا ... درسنا اليوم كبير شويه وبطلع الي اعرفه والي
ما اعرفه (الي ما اعرفه يعني خرفته)....
درسنا منقسم لـ 3 اقسام ...
الـ End User
هذي الله يسلمكم يستخدمها استاذي الخاص بالبرمجه كثثير وتراه ما اعرف وش
معناها.... بس اعتقد انه المقصود بها المستخدم ... (الي في هالحاله نتكلم
عن اعضائك الي ما شفت منهم خير من يوم سجلوا)
وانت ....
الي انا ما شفت منك خير من يوم مسجل في ترايدنت .... << حاس نفسه اليوم بينرفس
والهاكات ....
وايضا بعض المواقع التي تستخدم الـ
RSSانا متابع مواضيع المنتدى ولاحظة انه نازل كم موضوع قبل فتره .... واحد منهم تعديل على قالب ما اذكر وش اسمه ... يضيف زر الـ
RSS لـكل قسم ... وموضوع ثاني صفحة PHP فيه وصلات RSS
لـ الاقسام ومليون زر ثاني ما اعرف وش فايدته (واراهن انه نصكم ما يعرف وش
فايدتهن).... وألاحظ ايضا انه الكل يركب الهاكات والاكواد على اساس انه
يساعد على الارشفه ... الغريب في الامر انه ولا مره حصلت رابط في جوجل لأي
موقع ياخذني لـ External.php (هذا حق الـ rss وxml)
الـ RSS موجود لـ سبب لكن ماله علاقه بشكل مباشر بالارشفه وبتعرفوا وش فوائده الرئيسيه عن طريق هالموضوع ان شاء الله
تعريف الـ RSS :
اقتباس
RSS is a *** ******* syndication format.
Its name is an acronym for Really Simple Syndication.
RSS is a dialect of XML. All RSS files must conform to the XML 1.0
specification, as published on the World Wide *** Consortium (W3C) ***site.
A summary of
RSS version history.
At the top level, a RSS document is a <rss> element, with a mandatory attribute called version, that specifies the version of RSS that the document conforms to. If it conforms to this specification, the version attribute must be 2.0.
Subordinate to the <rss> element is a single <channel> element, which contains information about the channel (****data) and its *******s.
ادري ما فهمتوا شيء... الزبده ... انه اضافة خاصة بـ المواقع تسمح لـ زوار بـروئية المواضيع بدون دخول الموقع (عن طريق برامج معينه)
ملاحظه : في المنتديات الـRSS يعتمد على تصاريح الزوار ... يعني اذا الزوار ما يقدروا يشوفوا قسم الشكاوي الـRSS ما بيقدر يسحب مواضيع قسم الشكاوي وهكذا...
ملاحظه 2 : في حالة عدم تغطيتي لـ خصائص معينه موجوده في المنتديات عن الـ RSS2 يرجى وضعها وان شاء الله اعمل له شرح
--
تفعيل الـ RSS
وبعدين
وبعدين
طبعا تقدر تغير اقصى التسجيلات الخارجية .... لـ الي يناسبك ... 20 شيء مناسب ويعتمد على حجم موقعك...
مثلا ما تلاحظوا اخر خيارين لـ هاك خاص بـ RSS بيدرج في قسم الهاكات (انا منزله من قبل في ترايدنت)
ايضا يفضل تفعيل الـ xml لانه بعض البرامج تتعامل مع الـ XML مو الـ RSS مثال برنامج خاص بـ feed viewer في البلو بيري.... << لاحد يسألني عن هالنقطه
http://localhost/vb/external.phpغير اللوكل لـ اسم الموقع وتأكد اذا هالصفحة شغاله والا لا ... < اذا شغاله يعني فعلت الـRSS
اقتباس
في شيء مهم.... في حالات الـ RSS يكون مفعل مضبوط .... لكن الشيء العجيب انه ايقونة الـ RSS في المتصفحات ماهي طالعه (هذي الايقونه البرتقاليه الي ما عندها سالفه) كل موقع مفعل الـ RSS لازم تكون هالايقونه مفعله ...
في حالة الـ
IE7 والفايرفوكس هذي الايقونه لما يكون الموقع مفعل الـ RSS :
الجزء العلوي (فايرفوكس) والجزء السفلي (
IE7)
اذا في الفايرفوكس ما طلع من الاساس... والـ IE7 لونه رمادي عندنا مصمم يبي يتفلسف وماسح اشياء ماله دخل فيها من القوالب (يوم ما تعرفوا شو سالفة كود معين احلى تمسحوه ؟!!!):
روح لـ القوالب وابحث عن headinclude
وروح نهاية القالب وضيف هالكود :
رمز PHP:
<if condition="$vboptions['externalrss']">
<link rel="alternate" type="application/rss+xml" title="$vboptions[bbtitle] RSS Feed"
href="external.php?type=RSS2" />
<if condition="$show['foruminfo'] OR $show['threadinfo']">
<link rel="alternate" type="application/rss+xml" title="$vboptions[bbtitle] - $foruminfo[title_clean] - RSS Feed" href="external.php?type=RSS2&forumids=$foruminfo[forumid]" />
</if>
</if>
انا كانت المشكله في موقعي وسويت استرجاع لـ قالب
الهيد انكلود وشفت الفروق وحصلت هالكود ناقص... واضفته و انحلت معي المشكله
<< يعني من هالنقطه مو 100% متأكد منها...
هذي الايقونه ترويك اذا الموقع فيه خدمة لـRSS وتقدر عن طريقها طبعا تدخل الخدمات المتوفره في تلك الصفحة ( يعني اذا انت داخل في قسم الالعاب بيطلع الـ RSS الخاص بـ الالعاب مو الاقسام الثاني)
الزبده الزرين الشيء الوحيد يخبرن الزائر انه في RSS لانه أكيد ما يعرف اي شيء عن ملف external.php !!!
اللحين نتكلم شلون العضو عندك بـ يقدر يتعامل مع الـ RSS
تعاملنا بـ شكل رئيسي مع 3 برامج ....
1/
Internet Explorer 72/
FireFox 23/ حتى لحظة كتابتي هذه الكلمات لم يتحدد ماهو البرنامج الثالث....
حبيب الكل IE7
عن طريق الـ IE7 بيدخل العضو الصفحة الخاصة بـ RSS لـ قسم معين او عضو معين(هاك هذا)... وبتطلع صفحة فيها لائحة المواضيع .... وبيقدر يشترك في الـ RSS وانتهينا ...<< يا حلاة هالشرح الي ينفهم منه كل شيء...
كما ذكرنا الايقونه لـ RSS في المتصفح اهم شيء بدونها العضو ما يقدر يسوي شيء ...
اذا اراد الاشتراك في الموقع كله بـ جميع الاقسام ما عليه الا يفتح الصفحة الرئيسيه لـ المنتدى ويضغط الايقونه و يختار الـ RSS feed ... مثل في الصوره :
اذا اراد الاشتراك في قسم معين ... يدخل القسم الي يريده ويضغط على ايقونة الـ RSS ويختار RSS feed الخاص بالقسم الي داخله ..... وهكذا ....
بعد ما يضغط العضو على الخيار الي يبيه بيتم نقله لـ صفحة معينه... فيه عدد
معين من المواضيع (يعتمد على الي انت محدده في الحد الاقصى لـ تسجيلات
الخارجية) ....
تشوف الموضوع شلون يطلع؟ كذا بيطلع عند الزوار وكل حد ....
المهم نضغط على الزر الموضح في الصوره :
بعد الاشتراك
اللحين جاء شلون نقدر نشوف المواضيع ...
اسمحولي انترنتي انجليزي... المهم عرفتوا من وين تقدروا تشوفوه بعد
الاشتراك ؟ تضغط على احد المواقع الي مشترك فيها وبتقدر تشوف المواضيع ...
اللحين في حالات بتحصل مواضيع قديمه (يعني مو طالعه اجدد المواضيع) سوي زر
ايمن على الموقع المشترك عليه و رفرش/تحديث وبيتم التحديث....
قد يتسائل الكثير ليش العو بيشترك من الاصل ؟!! لانه شكله تماما مثل الصفحة
الي اشتركنا عن طريقها ... ومافي فرق... او حتى نتصفح الموقع نفسه بلا RSS ولا خرابيط ....
انا اخبركم ليش .... افصلوا الانترنت .... وافتحوا الصفحة حقة المواضيع...
بتحصلوها شغاله وتقدر تشوف المواضيع كلها!!!! << هذي المميزه انه
المواضيع تتحمل على الجهاز في الـ RSS
اضافة اخرى لـ IE7 (لـ اصحاب الفيستا)....
اختر Feed Headline واسحبه لـ SideBar
تمام للحين ؟ اللحين نروح لـ خياراته وبيطلع ويانا جي :
في القائمه الاولى تختار الـ مواقع المشترك فيها (الي مشترك فيها عن طريق IE7 )
والثانيه عدد المواضيع .... وبيجلب المواضيع والنتيجه :
لما يكون داخل السايد بار :
ولما يكون برى السايد بار :
لا تقولوا هذا مو عجييييب << احب الفيستا
وانتهينا من الانترنت اكسبلورر .... والله يعيني على باقي الموضوع ...
الفايرفوكس 2
الفايرفوكس من ناحية الـ RSS ما عجبني لانه خياراته محدوده جدا (والا انا ما اعرف استخدمه)...
المهم ... مكان ايقونة الـRSS في الفايرفوكس مكانها غير بس كل شيء شبيه جدا...
وبعدين تختار نوع الـ RSS (لأي قسم) ... الي يميز الفايرفوكس انه له الخاصية يشترك لـ برامج اخرى ومنها الـ outlook الي له نفس الشيء خاصية RSS Viewer ايضا بروحه.... المهم احنا بنشترك في العادي (ألي هو Live Bookmarks)
بعد الاشتراك انلاحظ انه زاد شيء في تول بار الفايرفوكس وهي قائمة بـ
المواضيع الجديده في الموقع .... (هذي الفائدة الوحيده الي قدرت احصلها في
الفايرفوكس يعرض اخر المواضيع)
وانتهينا من الفايرفوكس
Snarfer 0.9.1
دورت ودورت وهلكت وحصلت هالبرنامج الحلو الخفيف المجاني..... برنامج خفيف
جدا والاهم انه ببلاش و من اكثر البرامج الي تم تحميلها من download.com من
قسم الـ RSS Viewer
التحميل:
تعديل بعد كتابة كامل الموضوع : يووووه اللحين انتبه انك تقدر تحمل اللغه العربيه للمهتمين
http://www.snarfware.com/language.htmهذي واجهة البرنامج :
مثل ما تلاحظوا معلومات كامله عن الموضوع ... والموقع ....ألخ
البرنامج بشرحه عـ سريع انتوا عليكم تستكشفوا ... لاني ما استخدمته بـ تعمق كبير...
لـ اضافة موقع :
File >>> New >>> Feed
حط رابط الـ موقع الي تبيه (طبعا مع ملف الـ exernal )
نفترض انك تبي لـ جميع مواضيع الموقع تفتح الموقع (على المتصفح الخاص بك) وتضغط على ايقونة الـ RSS وتختار خيار الموقع كامله مو قسم معين ... وتنسخ رابط الصفحة الي تنقلك لها ... وتنقله لـ البرنامج
مثال (مواضيع الموقع كلها):
http://localhost/vb/external.php?type=RSS2مثال (قسم معين):
http://localhost/vb/external.php?type=RSS2&forumids=2مثال (مشاركات عضو معين)(يبيلها تركيب هاكات هذي):
http://localhost/vb/rssmember.php?id=1وهكذا ...
بعدين نكست ... وتحدد كم موضوع يتم حفظه في البرنامج (ألي تقدر تشوفهن) ....
ونكست ... وبعدين تختار المجلد الي تبيه ....وفينيش...
اللحين بتحصل على اليمين ...قائمة بـ المواضيع وتفتحها وتتصفحها ....
البرنامج ايضا بين فتره وفتره يشيك على المواقع المشترك فيها ويحمل
المواضيع الجديده وتقدر تشوفها لما تكون اوف لاين....
اذا تريد تحدث القائمه الان ... من اليسار تختار الاشتراك وزر ايمن عليه و رفرش...
--
ها وش رايكم للحين ؟ تكذب عينك جان بتقول كنت تعرف كل هالاشياء الي انا قلتها ... ههههه...
المهم ننقتل لـ الجزء الثاني من الموضوع ...
نفترض احد فعل الـ Rss في موقعه واعضائه يستخدموه تمام واستفادوا منه بقوه ...
اللحين جاء دورنا احنا اصحاب المواقع نستفيد من خدمة الـrss المقدمه من المواقع الاخرى
الصراحه انا في موقعي مسويلي قسم خاص ماحد يشوفه غير الاداره ومسميه قسم تجاربي الخاصه .... و مشترك في 5 مواقع عن طريق الـ RSS
اللحين الكل يسأل وش فايدة الاشتراك في خدمة الـRSS في مواقع ثانيه ... بسيطه جدا... عن طريق لوحة تحكمك الادمن سي بي تقدر تشترك في الـ RSS
لـ المواقع الثانيه .. ويصير نفس الي يصير في البرامج ... تحمل الموضوع
بكامله بس مو على الجهاز على الموقع نفسه .... وانت المستفيد من
المواضيع... طبعا نتكلم عن مواقع ثانيه مو بس المنتديات .... مثلا مدونات
.... مواقع اخباريه ... مواقع اجنبيه ...ألخ يعني الـ RSS لو تشترك في 20 موقع عن طريقه يجيبلك 5000 موضوع يوميا.... (اشترك في سوالف مثلا انت يكفيك 100 موضوع في اليوم)....
ندخل الادمن سي بي ... ومن على اليمين ... ندور على "تغذيات الـ RSS " و بعدين نختار "اضافة تغذية جديدة"
وتابع:
سويت مربع على الخيارين ... عشان تنتبهوا انه الموضوع المسحوب تقدروا تخلوه اعلان او موضوع عادي....
بخصوص رابط التغذيه اقصد بـ "اتبع الطريقه حقة برنامج
SNARFER"
الي هي :
اقتباس
بعد ما نعبي كل شيء نضغط على مشاهدة التغذيه عشان تتأكد كل شيء سليم ...
ادري انه جاتكم حالة احباط... لانه طلع بس اول سطرين من الموضوع بس وفي البرامج تطلع المواضيع كامله...
عشان يطلع الموضوع كامله ....
استبدل :
{rss:de******ion}
بـ :
{rss:*******:encoded}
واللحين سوي مشاهدة التغذيه ... وبيطلع لك الموضوع بـ كااااامله (اذا الموقع يعتمد على RSS2 طبعا)
نفترض انك مستعجل وما تبي تنتظر المده الي انت حددته عشان يتم سحب المواضيع الجديده (يعني مثل رفرش في الـIE7) تروح لـ تحكم بتغذية الـ RSS وتضغط على الزر الوسط "شغل مهام الجدولة الان" وبتطلع لك لائحة بـ المواضيع الي تم سحبها من الموقع ....
هاااا وش رايكم ؟ والا كل الي قلته في الموضوع تعرفوه ؟ الله يعيني عليكم طلعتم عباقره ننتقل لـ الجزء الاخير وهو الهاكات :
اضافة Rss على كل قسم في الصفحة الرئيسية [ تمبلت ] اضافة خدمه Rss لكل قسم . تمبلت جديد forumhome_forumbit_level2_post محدث إعداد الروابط في صفحات خارجية الهاكات ما جربتها الصراحه بس هذا الي حصلته في ترايدنت...
احد هاكاتي:
Rss2 خاص لـ مواضيع عضو معين.... الـ ع ـيسائي اضافات وهاكات جديده:
كيف تستطيع جعل الـRSS2 في المنتدى يعتمد على اخر المشاركات بدال اخر موضوع نزل...
تروح لـ Headinclude
ابحث عن :
رمز PHP:
<link rel=”alternate” type=”application/rss+xml” title=”$vboptions[bbtitle] RSS Feed”
href=”external.php?type=RSS2″ />
واسبتدله :
رمز PHP:
<link rel=”alternate” type=”application/rss+xml” title=”$vboptions[bbtitle] RSS Feed” href=”external.php?type=RSS2&lastpost=1″ />
الهاك 2 (غير معرب)
في المرفقات ... ارفع البرودكت وروح خيارات المنتدى...
مجهز البيانات الخارجي
واخر خيارين بالانجليزي....
اوكيه وش يسوي هالهاك بالضبط ؟
هذا الله يسلمكم هاك كنت بدفع له لو بفلوس...
مثل ما نعرف الـ RSS2 يعتمد على تراخيص مجموعه الزوار يعني الي ممنوع يشوفه الزائر ما بيطلع في الـRSS2
هذا الهاك يتيح لك خيارين .... تخلي الـ RSS2 يعتمد على تصاريح مجموعه ثانيه انت تحددها ...
والخيار الثاني في حالة كان الشخص مو زائر مثلا عضو او اداري او مشرف... يتم اعتماد تصاريح مجموعته...
يعني المشرفين بيقدروا يتابعوا تحديثات مواضيع قسم المشرفين لكن مع الاعضاء ما بيطلعن مواضيع المشرفين وهكذا...
في حالتي انا استخدمته لـ شيء مختلف تماما ... انا مركب هاك منع ظهور الروابط لـ الزوار يعني في الـ RSS
نفس الشيء وانا ابي الناس تقدر تنقل المواضيع مع الروابط وكل شيء ... فـ
سويت لي مجموعه ثانيه .... اخفيت عنها مواضيع المشاكل والاقسام الثانيه الي
ما ابيه تطلع في الـ RSS واللحين الروابط تطلع في الـ RSS!!!!
اسم الملف : product-abe1_external_usergroup.xml
ننتقل لـ الهاك الي بعده (معرب) :
هذا العكس بالضبط ... بدال ما يطلع الموضوع بـ الكامل ... تحدد انت كم حرف يطلع لـ الشخص لما يطلع على الـ RSS وبذلك ترغمه انه يدخل الموقع عشان يشوف باقي الموضوع ... الهاك في المرفقات مع تعليمات التنصيب
وانتهينا من
الموضوع .... عسى يكون عجبكم
الخميس يوليو 12, 2012 3:49 am
