بسم الله الرحمن الرحيم
ارجو من كل المصريين اللي بيلعبوا اللعبة دي يسمعوني كويس لان دي مصيبة بجد

دلوقتي سمعتنا احنا كمصريين في اللعبة دي بقت زي الزفت و يمكن اسوا لدرجة ان ناس كتيرة في الجيم دي ،من جنسيات مختلفة و خصوصا اللي من هولندا او من ألمانيا ، عاوزين شركة Alaplaya تعمل حظر على المصريين من انهم يلعبوا اللعبة دي " و معتقدش ان ده هيحصل"

و الاسباب هقولها عشان تبقوا محرصين جدا جدا اما تيجوا تلعبوا:



-اغلب المصريين الجداد اللي بيلعبوا دي تحت سن ال 12 يعني اطفال صغيرة يعني تلقاه بيتصرف بغباء ساعات و ممكن يشتغل Spam سواء بال Counter Sword او الTwin blades

-الشتايم الكتيرة اللي بنشوفها نتيجة خسارة المصري او كده، مع انك بتلقى لعب الخصم نضيف و مفيهوش اي حاجة و يتحجج باللاج Lag أو ان خصمه "هاكر"

-كتير من المصريين بيستعملوا نظام الItem Hack و ده برنامج جاي من موقع "دون ذكر اسامي لعدم مخالفة القوانين" مخصص للهاكات و البرامج المساعدة الغير مشروعة ، برنامج يخليك تقدر تبدل الملابس و السيت اللي انت لابسو بايتيمات "برميوم" بطريقة غير شرعية نهائي و اغلبهم بيتحجج انه مش هاكر و ان ده شحن AP لكن عندي دليل قوي انه مش شحن AP
-اولا سعر الAP غالي جدا في مصر يعني 5000 AP يعملوا 60 جنيه عند انس و علي و ده معناه انك لو حبيت تشحن 50 الف هتدفع 600 جنيه ، و معتقدش ان مصريين هيشحنوا الكم ده على مرة واحدة خصوصا ان اغلب اللي بيستعملوا الهاك ده Rookies
لكن ده برضو ميمنعش ان مصري يشحن AP طالما معاه فلوس زي مثلا ناس كويسة جدا اعرفها totaaaaa,Mr.HolyShit دي ناس من فئة الPro Rank و دول ناس محترمة جدا جدا جدا و لعبهم جامد جدا على حق و ربنا معاهم

-ثانيا و اخيرا:معروف عن الطفل المصري في الالعاب انه بيدور على الحاجات السهلة اللي تخليه ينجح على طول من غير ما يتعب في الحاجة،

-الLag لطالما بنشوف مصريين بيبقى عندهم لاج و ده المشكلة اللي بسببها اغلب الناس في اللعبة عاوزة المصريين يتعملهم IP Block بجانب الاسباب اللي فوق ، و السبب واضح جدا جدا ، هو ان النت في مصر زبالة و مقرف بعكــس الدول التانية اللي تلقى فيها النت تمام التمام و سريع جدا

-تركيز الاطفال اللي بيلعبوا اللعبة دي على Farming Rooms و هشرح يعني ايه
الفارم رومز غالبا بتبقى TD Room At Station 2 بيبقى لاعبين بس في الروم لمدة 30 دقيقةو ميلمسوش الكرة خالص او ممكن كل واحد يعمل 2 بوينتس بس و ده بيأدي انك تاخد كمبية اكسبرينس مش بطالة "قرب ال 1500" و ده اللي مخلي اغلب اللي بيعتمد عالطريقة دي ميعرفش يلعب كويس



شوية اسباب تسببت ان شكلنا في اللعبة كمصريين بقى مشوه جدا جدا فيا جماعة يا مصريين حاولوا تغيروا الصورة دي


Hawkaaa